“Bainhira akontese inundasaun ka inséndiu ruma komunidade afetada iha direitu tenke hetan pakote emerjénsia uluk husi Autoridade Protesaun Sivíl”
Lia hirak ne’e hato’o husi diretór Gabinete relasaun Externa no Komunikasaun Cesario da Silva Marques bainhira partilla informasaun kona-bá Referénsia Enkuadramentu legais Autoridade Protesaun Sivíl iha suku Mota-Ulun, Postu Administrativu Bazartete, Munisípiu Liquiça ne’ebé hala’o durante loron rua iha dia 29-30 Abril 2025.
Direitór Gabinete relasaun Externa no Komunikasaun Cesario da Silva Marques hateten tamba tuir decreto lei no 7/2021, artigu 4,5,9 no 10 klasifikasaun sira kona-bá apoia ermejénsia no rekoperasaun.
“Tamba decreto Lei no 7/2021, iha Artigu 4 apoia komunidade, artigu 5 apoia material rekoperasaun, artigu 9 Rekoperasaun no artigu 10 klasifikasaun dano de habitação ho nia klasifikasaun sira ne’e hotu ita bolu tama iha rekoperasaun maibé apoia ba komunidade ho emerjénsia ne’e, hakarak ka lakohi tenke mai tamba pakote rua ne’e nia item lahanesan ne’e mak ami nia prezensa ne’e mai importante” dehan Direitór Gabinete Relasaun Externa no Komunikasaun Cesario da Silva Marques
Diretór GREC Cesario da Silva Marques ne’e salienta presiza mós halo justifikasaun molok ekipa Autoridade Protesaun Sivíl halo distribuisaun karik pakote emerjénsia balun la kompletu
“Presiza halo ninia justifikasaun item ne’e iha lei ne’e iha maibé tamba sa mak laiha nune’e para ita bele dehan bainhira loos mak ami bele hetan se iha karik agora ne’e iha ne’ebé. Ida ne’e de’it ami mai para bele kanaliza informasoens ne’e to’o iha suku, ami iha tinan kotuk 2023 ami ba area tarjeitu munisípiu ami kobre hotu ona, no mai fali 2024 tarjeitu ba Postu ami hotu ona, no tinan ida ne’e ami nia tarjeitu ba suku tamba rekomendasuan sira mai husi postu” hatutan Diretór GREC Cesario da Silva Marques
Iha fatin hanesan Xefe Aldeia Motaicun Salvador dos Santos Paul hanesan mós partisipante ida sensibizasaun ne’e hato’o nia agradesementu ba formasaun ne’e kle’an nune’e bele transmite ba nia komunidade sira
“ha’u kontente no agradese hodi hetan formasaun ne’ebé kle’an atu nune’e bele transmite direita ba ita nia komunidade hodi hatene didi’ak kona-bá dezastre nian nomós rekomendasaun balun presiza tuun direita ba ha’u nia aldeia atu nune’e komunidade sira bele komprende saida mak dezastre no relata ba se, no agradese boot tebes tamba foin hetan loloos esplikasaun kle’an ba ha’u atu nune’e tau atensaun ba ha’u nia komunidade iha terenu” hateten Xefe Aldeia Motaicun Salvador dos Santos.
Objetivu husi sensibilizasaun ne’e atu fahe informasaun APC ninian ba estrutura Suku Maumeta kona-bá atendementu APC ninian iha terenu liga ba apoia emerjénsia nomós apoia rekoperasaun tuir referénsia enkuadramentus legais Autoridade Protesaun Sivíl ordena
Atividade sensibilzasaun ida ne’e, marka prezensa mós husi komandante APC Munisípiu Liquiça Tobias da Silva dos Santos ho partisipante sira hamutuk nain 20 resin kompostu husi delegadu/a no konsellu suku Mota-Ulun ne’ebé interesante teb-tebes hatudu sira nia matenek liu husi prátika, diskusaun, husu no hatan durante programa lao.
Mateus da Costa média APC hato’o reportajen .