Unidade Espesiál Protesaun Sivíl
Vitorino Lopes
Komandante Unidade Espesiál
Komandante Unidade Espesiál APC
Vitorino Lopes, moris iha Baucau, 10 Outubru 1980, nível edukasaun foti lisensiadu iha Departamentu Ekonomia husi Institute of Bussiness (IOB) Dili.
Hahú kedan nia kareira iha tinan 2002 nu´udar funsionáriu Bombeiros iha nasionál.
5 Setembro 2005 hetan oportunidade ba tuir treinamentu Fire Fighting Structural iha Akademi Bomba Kuala Kubu Baru Malaysia.
Maiu tinan 2007, hetan konfiansa nu´udar formadór iha Centro Formação Nacional de Bombeiros Díli hodi fó formasaun ba rekrutamentu foun.
Prestasaun ne´ebé pesoál ne´e hatudu, fó fiar tan ba nia tuir Treinamentu Maritime Rescue and Salvage iha Academia Naval de Sub-Marinos Qingdao China, Iha 15 Novembru 2007.
Fulan tolu hafoin tuir formasaun iha China, iha 18 Fevereiru 2008, kontinua hetan fiar tuir treinamentu Emergency Preparednes and Disaster Management iha Civil Defence Academy Singapura.
Iha 9 Marsu 2014 hetan promosaun mudansa nível hosi 3 ba nivel 4 liuhosi despaixu nomeasaun por promosaun.
Iha 4 to´o 15 Maiu 2015, hetan tan oportunidade hodi partisipa treinamentu iha Bangkoke, Thailandia kona-bá Arson Investigations Course Session 8 iha International Law Enforcement Academi Bangkok.
30 Marsu 2016, simu kna’ar asumi kargu Komanndate ba Corpo Bombeiros Munisípiu Bobonaro.
Iha 22-26 Juñu 2019, reprezenta Diretor Nasionál Bombeiros hodi partisipa enkontru iha Pasifik kona-bá Desastre and Community Resilience Programme (DCRP) Meeting iha Nadi Internasional Tanoa Fiji.
Iha 6 Janieiru 2020, partisipa iha ASEAN Regional Forum (ARF) Senior Training Course for Urban Search and Rescue iha China Nacional Training Base for Urban search and Rescue iha Beijing China.
4 Janeiro 2023 hetan konfiansa husi Presidente Autoridade Protesaun Sivil, Superintendente Polisia Ismael da Costa Babo, M.Sc hetan konfiansa asumi kargu Komandante Unidade Espesiál ba Autoridade Protesaun Sivil.