Gabinete Relasaun Externa no komunikasaun
Anacleto Caetano SS, MAP
Diretór GREC
Diretór Gabinete Relasaun Externa no Komunikasaun
Anacleto Caetano SS, MAP
Papel Gabinete Relasoens Externas no Komunikasaun (GREC) iha Decretu Lei n.º11/2022, de 09 de Março Estrutura Orgánika Autoridade Protesaun Sivil nian artigu 42 defini klaru ona kona- ba servisu gabinete ne´e nudar gabinete ida ne’ebé asegura relasoens ba koperasaun externa, nasionais nó internasionais, komunikasaun no divulgasaun ba informasaun relevante sira iha material protesaun sivil no protokolu.
Ho papél refere, Prezidenti Autoridade Proteção Civil (APC), Superintendente Polisia Ismael da Costa Babo, M.Sc hili ona Anacleto Caetano eis Xefi Departementu Administrasaun Finansa iha Diresaun Nasional Jestaun Risku Dezastre (DNGRD) hodi asumi kargu ba Diretór GREC
.hodi halo jestaun ba parseria hotu tantu nasionál no internasionál iha koperasaun servisu relasiona ho servisu APC nian.
“Kargu ne´ebe hau asumi ne´e nu´udar konfiansa no responsabilidade bo´ot ida ba ha’u no nu´udar funsionáriu públiku hau prontu hala’o servisu ne´ebé superior fó mai ha’u no sei servisu hamutuk ho kolega diretór seluk hodi hamutuk alkansa objetivu, misaun no vizaun APC nian, liliu oinsa halo prevensaun ba dezastre iha ita nia rain no asegura moris seguru ba Timoroan hotu,” dehan Anacleto Caetano.
Iha nia servisu, Diretór Anacleto hetan apoia hosi seksaun rua maka Seksaun Relasaun Externa ne´ebe kargu ne´e asumi hosi Nelson de Orleand Nunes no Seksaun Komunikasaun ne´ebe fó responsabilidade ba João de Sousa Filipe.
Anacleto Caetano moris iha Suai, Munisípiu Covalima, 2 Novembru 1973. Hahu nia kareira servisu iha Ministério da Solidariedade Social, hanesan Xefe Seksaun ba Administrasaun no Rekursu Umanu iha 2008 to’o 2013.
Akaba nia nivel edukasaun Maestradu iha Administrasaun Públika hosi Universidade STIA-LAN, Jakarta – Indonesia mos iha esperensia nu´udar Xefe Gabinete ba Directór Gerál Servisu Corporativa iha Ministeriu Sosial Solidariedade iha 2016 to’o 2018.
Antes asumi Diretór GREC, Anacleto Caetano asumi kargu nu’udar Xefe Departamentu Administrasaun Finánsa iha DNGRD iha tinan 2018 to’o 2022. Iha tinan 2020 hetan promosaun Grau ba Nivel 6.
Alumni seminarista iha Seminario Maior STFK Ledalero, Flores-NTT-Indonesia, iha tinan 1994-1998 no remata Estudo iha area filosofia iha Instituto Filosofia –STF- Driyarkara, Jakarta iha tinan 2002-2005, ne´e mos hetan oportunidade partisipa iha treinamentu no seminario konaba “Public Personal Administration for Middle Level Oficials” iha Tokyo Japão iha tinan 2011.
Hamutuk ho Sekretariu Estadu Protesaun Sivil, Sua Excellensia Joaquim Gusmão Martins no Prezidenti APC, Superintendente Polisia Ismael da Costa Babo, M.Sc partisipa iha workshop Asia-Pacific Ministerial Conference on Disaster Risk Reduction 2022, iha Brisbane, Australia, iha 19 – 22 September 2022.
Iha Novembru 2022, partisipa iha workshop The 2022 United Nations Climate Change Conference or Conference of the Parties (COP 27) iha Sharm El-Sheikh, Egypto.