Diresaun Nasional Jestaun Risku Desastre

Diretór Nasionál Jestaun Risku Dezastre

Agustinho Cosme Belo

Asumi kargu nu´udar Diretor Nasional ba Jestaun Risku Dezastre desde tinan 2016, iha 29 Jullu 2022 Agustinho Cosme Belo kontinua hetan konfiansa hodi kaer nafatin kargu ne´e iha Autoridade Proteção Civil (APC).  

Moris iha Quelicai, Munisípiu Baucau iha 12 Outubru 1980, Agustinho hahu asumi Diretór Nasional ba Jestaun Risku Dezastre iha Ministériu Solidaridade Sosiál no Inkluzaun iha tinan 2015 to’o 2016.

Antes asume responsabildade nu´udar  Xefe Departamentu HAMI PÁS no Poezaun Sosial iha tinan  2011 to’o 2015.

Dekretu Lei n.º11/2022, de 09 de Marsu Estrutura Orgânika Autoridade Protesaun Sivil nian iha Artigu 26 defini ona papel no kompetensia Diresaun Nasional ba Jestaun Risku Dezastre hanesan iha alinea 1) Diresaun Nasional ba Jestaun de Riskus de Dezastres, habadak ita bolu ba DNGRD, servisu ida nabé kompete ba operasionalizasaun polítikas públikas kona ba jestaun ba risus ba dezastres nian iha âmbitu protesaun sivil nian hó mós kordenasaun nasional ba operasoens nebé hala’o husi nia elementus sira.