Francisco Soares da Silva
Diretór Nasionál Seguransa no Protesaun Patrimoniu Publiku
Diretór Nasionál Seguransa no Protesaun Patrimoniu Publiku (DNSPPP)
Francisco Soares da Silva
Francisco Soares da Silva, moris Ossu, 9 Abril 1961, hahu nia servisu iha Diresaun Nasional Seguransa no Protesaun Patrimoniu Publiku ho kargu assistenti xefi departementu operasional iha tinan 2002 to´o 2006.
Prestasaun ne´ebe hatudu, iha tinan 2006 hetan promosaun asumi kargu Xefi Departemento Operasional to´o tinan 2014.
Kargu nu´udar Diretor Nasional DNSPPP nia asumi desde tinan 2014 no kontinua hetan konfiansa hosi Prezidenti Autoridade Proteção Civil (APC), Superintendente Polisia Ismael da Costa Babo M.Sc wainhira instituisaun ne´e hamrik nu´udar autoridade ida hodi kompleta pilar datoluk seguransa no defeza nian hafoin F-FDTL no PNTL.
Alumni UNTL iha Fakuldade Ciensia de Edukasaun Departamentu Lingua Portuguêsa 2006-2010 ne´e mos iha esperensia servisu iha tempu Timor-Leste sei Provinsia Indonesia nian nu´udar staff iha Kementrian Sosial iha tinan 1990.
Iha tempu tranzisaun United Nation Transitional Administration in East Timor (UNTAET) tinan 1999 to´o 2002 servisu nu´udar staff seguransa.
Antes asumi kargu diretor nasional, hetan oportunidade hodi partisipa kursu ba lideransa nian kona ba rezolve problema no foti dezisaun iha Careertrack Training Jakarta, Indonesia durante loron 4 hahu 2 to´o 6 Setembru 2013.
Atu kompleta ba kapasidade lideransa, diretor ne´e mos tuir kursu de liderança aos gestores médio da administração pública iha Instituição Nacional da Administração pública (INAP) iha tinan 2014. iha tinan 2015 iha INAP nafatin partisipa tan curso de gestão de competência ne´ebe fasilita hosi Governo Federal Brazil, Ministério da Fazenda/Escola de Administração Fazendaria com a Comissão da Função Pública (CFP).
Iha 13 Junu ate 18 Outubru 2020 partisipa mos Curso de Formação Avançada em Governança e Lideraça Estratéjica (CFAGILE) iha Instituição da Defesa Nacional (IDN).