“ Decreto Lei no 7/2021 artigu 4, 5, 9 no 10 lei baze protesaun sivíl presiza tebes hatene husi nain suku no Aldeia sira para bele hatene oinsa nia prosesu apoia no nível estragus sira”.
Lia menon ne’e hateten husi Diretór Gabinete Relasaun Externa no Komunikasaun bainhira halo rezumu ba enseramentu sensibilizasaun kona-bá referénsia Enkuadramentus legais Autoridade Protesaun Sivíl iha aula Sede Suku Maumeta tersa-feira ne’e.
Diretór Gabinete Relasaun Externa no Komunikasaun Cesario da Silva Marques reforsa katak lideránsa suku sira presiza kuidadu ho nia linguajen sira tamba bele prejudika mós iha verifikasaun ba uma afetada sira
“Termu lei ne’e koa’lia kona-bá apoia uma hela fatin la’os uma baranda tamba bainhira ekipa sira mai halo verifikasaun mak husu ita hatan uma baranda mak sira sei fó apoia tamba ne’e presiza hatene no kuidadu ita nia linguajen” dehan Diretór Gabinete Relasaun Externa no Komunikasaun Cesario da Silva Marques
Diretór GREC Cesario da Silva Marques kontinua hato’o agredese ba nain autoridade lokal sia nia pasensia tomak ho oferese nia-an tomak hodi mai tuir atividade sensibilizasaun ne’e, maske labarak maibé nato’on liu husi prátika no diskusaun durante loron rua iha dia 28-29 Abril tinan 2025.
Iha fatin hanesan Xefe Suku Maumeta Victor da Silva hateten sensibilizasaun sira ne’e ba oin presiza lao tan no prontu simu programa saida de’it mak atu implementa iha sira nia suku maibé bele karik bele to’o nível komunidade sira iha aldeia.
“ Programa saida de’it no kualker loron ami prontu simu nafatin maibé karik bele liu ba iha komunidade sira iha aldeia bele kompreinde karik komunidade sira ne’ebé hela besik iha fatin risku sira”
Xefe Suku Maumeta Victor da Silva rekomenda formasaun ida ne’e importante tebes tamba ne’e presiza hato’o ba iha komunidade sira tantu autoridade lokal sira
“ Formasaun ida ne’e importante tebes tamba nia liga ba lei nune’e ita presiza loke tan ba komunidade no membru sira atu nune’e komunidade sira bele hatene kuandu dezastre kona sira labele obriga ba foti dadus nune’e ba oin ita halo sensibilizasaun lei ne’e tun to’o baze.
Partisipante Lourdes dos Santos atúal Delegada Feto Aldeia Naututu hato’o nia agradesementu ba APC tamba durante ne’e sira nunka hatene tuir lalaok distribuisaun pakote emerjénsia no rekoperasaun husi APC liu-liu ba komunidade sira ne’ebé afetada husi dezastre .
“ ha’u hato’o agradese no orgullu tebes ba APC tamba durante ne’e ami nunka hatene tuir APC nia lalaok oinsa mak fahe sasan ba komunidade afetada sira ne’ebé hetan dezastre. Maibé ohin loron durante loron rua nia laran ami tuir formasaun ne’e ami sente kontente tamba ami hetan material ne’ebé durante ne’e ami lahatene no karik aban bainrua ami nia komunidade iha aldeia mak hetan apoia ruma karik husi APC ami mos bele partisipa iha laran nune’e ami bele hatene saida mak APC ajuda ba komunidade afetadu sira”
Sensibilizasun Referénsia Enkuadramentu legais Autoridade Protesaun Sivíl ida ne’e ensera husi Xefe Suku Maumeta Victor da Silva akompaña husi Diretór Gabinete Relasaun externa no Komunikasaun Cesario da Silva Marques hamutuk ho paritisipa sira husi estrutura suku nian ne’ebé mais átiva halo diskusaun durante partilla informasaun husi fasilitador sira husi GREK-APC.
Mateus da Costa média APC hato’o reportajen.