Baucau, 6 Agustu 2024- Komando Operasionál Autoridade Protesaun Sivíl (APC) Munisípiu Baucau Francisco Viana Freitas, akompaña Xefe Gabinete Munisipál Jestaun Risku Dezastre Basilio Amaral hamutuk funsionáriu APC no funsionáriu Asuntu Sosiais Suku Ossuala halo verifikasaun no fó apoiu emerjénsia ba vítima uma kain 2 nia uma hetan estragus kauza husi anin boot iha loron 1 fulan agustu tinan 2024.
Uma kain rua afetada ne’e kompostu husi Eduardo de Sousa husi Aldeia Kaidenulale, Suku Ossuala, Postu Administrativu Venilale no João da Costa Ximenes husi Aldeia Uaicnasa, Suku Ossuala, Postu Administrativu Venilale, Munisípiu Baucau.
Aleinde ne’e, iha loron hanesan ekipa ida lidera husi Diretur Dezastre Munisipál Baucau Clementino Pedro Barbosa, akompaña husi Xefe Gabinete Munisipál Jestaun Formasaun Januario Bras, Xefe Departementu Protesaun Sivíl Abreu do Rosario Belo, funsionáriu Dezastre Munisipal, funsionáriu APC nomós Membru Asuntu Sosiais Suku halo Verifikasaun hodi fó apoiu emerjénsia ba vítima uma kain 4 ne’ebé nia uma hetan estragus kauza husi anin boot iha loron 9 jullu tinan 2024.
Vitima Hirak ne’e mak hanesan Francisco Hilario Pereira, husi Aldeia Betunau Suku Uma Ana Ico, Amaro Francisco de Sousa, husi Aldeia Betunau, Suku Uma Ana Ico, , Olandina Ferreira Ximenes, husi Aldeia Osso Gui-Gui, Suku Uma Ana Ulo, Adelia Felismina C.Belo husi Aldeia Osso Gui-Gui, Suku Uma Ana Ulo, Postu Administrativu Venilale, Munisípiu Baucau.
Tuir dadus ne’ebé agora dadaun APC Baucau katak ema afetada anin boot ba Postu Administrativu Venilale hamutuk 26 no Postu Administrativu Vemasse total ema afetada hamutuk 12.
Aliya Guterres Média APC Baucau