Dili, 13 Outobru 2025- Autoridade Protesaun Sivíl, liu husi Porta Voz APC, Genoveva Fernandes Almeida, atuál Xefe Seksaun Komunikasaun, relata dadus dezastre naturais semanal hahú husi loron 06 to’o 13 Outobru 2025 ba jornalista sira, iha sala konferénsia APC Kaikoli Dili.
Porta Voz APC, atuál Xefi Seksaun Komunikasaun GREC-APC, Genoveva Fernandes Almeida relata “Durante semana ida rejiaun Timor-Leste normal no akontese tipu dezastre maka CNOPC-APC rejistu kazu dezastre hamutuk 161 no ema evakua 18, ne’ebé kompostu husi uma estragus 33, anin sobu uma 22, ahi han uma 10, rai halai 1, prense kriteria ba apoiu rekoperasaun 22 no apoiu de’it emerjénsia 11”.
Akontesimentu dezastre sira ne’e, afeita liliu iha Munisípiu sira hanesan: Munisípiu Aileu (anin sobu uma 2), Munisípiu Baucau (anin sobu uma 6) (ahi han uma 4), Munisípiu Bobonaro (ahi han uma 3), Munisípiu Covalima (ahi han uma 1), Munisípiu Ermera (anin sobu uma 12 rai halai 1), Munisípiu Liquiça (ahi han uma 1) no Munisípiu Viqueque (anin sobu uma 2).
Porta Voz APC ne’e esklarese tan katak husi númeru afetadus 161 ne’e, Komandu Autoridade Munisípiu ho Parseiru relevante fornese asisténsia emerjénsia ba familia afetada sira hanesan ai-han no laos ai-han. Aleinde ne’e, Komandu Autoridade Protesaun Sivil Munisípiu sira sei kontinua halo levantamentu de dadus kona-bá sasan estragus no lakon ba munisípiu sira ne’ebé mensiona iha leten.
#MEDIA APC