RAEOA, 02 Jullu 2025 – Autoridade Protesaun Sivíl liu husi Diresaun Nasional Rekoperasaun (DNR) lidera husi Prezidente Autoridade Protesaun Sivíl (APC) Jesuíno dos Reis de Matos Carvalho hamutuk ho ekipa APC Nasional tun direita hodi distribui matérial rekoperasaun no orsamentu Mão de Obra ba benefisiáriu hamutuk uma kain 60 ne’ebé hetan dezastre iha tinan kotuk 2022 no 2023 iha kampu futebol Area Oebau, Postu Administrativu Pante Makassar, Rejiaun Administrativu Espesial Oe-Cusse (RAEOA).
Prezidente Autoridade Protesaun Sivíl (APC) Jesuíno dos Reis de Matos Carvalho hateten “husu ba benefisiariu sira atu uza sasan ne’e kuidadu halo di’ak tanba sasan ne’ebé atribui hanesan dever husi estadu nian atu ezizi ba inan aman sira uza ho dignu no labele uza matérial no orsamentu halo fali ba buat seluk, APC fiar katak durante tinan rua nia laran inan aman sira balun ho esforsu tomak no kbi’it ne’ebé iha haríi fila fali ona sira nia uma, tanba ne’e APC distribui ba inan aman sira hodi halo kompleta liu tan”.
Partisipasaun husi distribuisaun matérial rekoperasaun ne’e husi Prezidente APC, Komandante F-FDTL, Komandante PNTL, APA Postu Pasabe, APA Postu Pante-Makassar, parseiru sira inklui Autoridade Lókal Xefe Suku sira.
Ho oras ne’ebé hanesan Prezidente APC tun direita kontinua hala’o monitorizasaun ba benefisiariu ne’ebé hetan ona matérial rekoperasaun hamutuk uma kain 12 hodi hari fila fali sira nia uma ne’ebé hetan dezastre husi insendiu no atu hatene tuir hetan ona por sentu hira hala’o iha Aldeia Buqui, Suku Usitasae, Postu Administrativu Oe-Silo, RAEOA.
Pedro Martins, Média APC RAEOA.