Lautém, 12 Maio 2025 – Komandu Operasional Autoridade Protesaun Sivíl (APC) Munisípiu Lautém, partisipa iha abertura feira produto lokál no non lokál ne’ebé ofisíalmente loke husi Prezidente Autoridade Munisipál Lautém Exelénsia Mélio de Jesus, iha oras tuku 15:55 OTL, iha Postu Administrativu Lautém, Munisípiu Lautém.
Atividade feira ne’e realiza, tán relasiona ho âmbitu komemorasaun Loron Restaurasaun Independénsia Timor-Leste ba dala-XXIII, ne’ebé iha Munisípiu Lautém tinan ne’e, à nível munisipal sei komemora iha Postu Administrativu Lautém, através loke feira ba públiku.
Tuir programa husi komisaun organizadora katak, atividade feira ne’e sei hala’o hahú iha loron; 12 Maiu to’o loron 20 Maiu, ne’ebé sei termina ho programa ‘içar da bandeira nacional no arear bandeira nacional’ iha parte lorokraik ne’ebé tuir ajenda sei realiza iha fatin kampu futebol, Postu Administrativu, Lautém Munisípiu Lautém.
Ildefonso Soares, Média APC Lautém