Manatuto, 29 Abril 2025- Xefe Departamentu Jestaun Risku Dezastre Tiago de Carvalho hamutuk ho ekipa fornese ona pakote emerjénsia hanesan aihan no laos aihan ba Pascual Soares idade 39 ne’ebé ahi han tamba kauza inséndiu ne’ebé provoka husi sikuitu eletrisidade iha loron 29 fulan abril tinan 2025, tuku 10;30 Otl iha Suku Manelima, Postu Administrativu Laclubar, Munisípiu Manatuto.
Tuir informasaun ne’ebé asesu husi ekipa APC Munisípiu Manatuto iha fatin akontsementu katak vítima toba hela ho kondisaun moras no la hatene derepente sirkuitu eletrisidade hodi hamosu ahi han no hakanek ítima nia isin tomak ho grave.
Agora dadaun ekipa APC no médiku sira halo ona kurativu ba vítima no evakua ona ba sentru saúde hodi kontinua halo tratamentu saúde.
Vítima sofre nia uma ahi han mutuk no laiha sasan ruma mak bele utiliza.
Eugenia Ximenes Média APC- Manatuto hato’o reportajen.