Liquiça, 30 Abril 2025-Autoridade Protesaun Sivíl liu husi Diretór Gabinete Relasaun Externa no Komunikasaun; Cesario da Silva Marques kuarta-feira ne’e, hala’o sensibilizasaun kona-bá referénsia enkuadramentus legais Autoridade Protesaun Sivíl iha Suku Vautou, Postu Admnistrativu Maubara, Munisípiu Liquiça.
Atividade sosializasaun ne’e hala’o durante loron rua hahú husi loron 29-30 fulan Abril 2025 ho prezensa partipante sira mai husi konsellu suku Vatuvou tomak hamutuk nain 25 ne’ebé delega husi aldeia 10 suku Vatuvou ninian.
Perante ativdade Diretór Gabinete Relasaun Externa no Komunikasaun; Cesario da Silva Marques hato’o parabens no apresia tebes ba Konsellu suku Vatuvou ne’ebé ativu komesa orseik no ohin
“Parabens ba Konsellu suku Vatuvou ne’ebé ativu komesa orseik no ohin, mas nia objetivu mak ne’e labele haluha katak direitu ne’ebé komuniadde nian tenke tuir lei ne’ebé iha, partir agora ekipa apoia sasan ruma presiza sira esplikasaun antes simu sasan” dehan Diretór Gabinete Relasaun Externa no Komunikasaun; Cesario da Silva Marques
La presiza hatene barak liu maibé hatene de’it mak decreto lei no 7/2021, artigu 4,artigu 5, artigu 9 no artigu 10 ba iha ninia item 12 no 22 ida ne’e mak presiza hatene deois xave ida tan dokumentus sira ne’e laiha ne’e ami hetan direitu tuir matadalan ka lei haruka hatutan dehan Diretór Gabinete Relasaun Externa no Komunikasaun; Cesario da Silva Marques
Iha fatin hanesan Xefe Suku Vatuvou Flaviano tinus Usna’at hateten agradese tebes ba APC bele to’o ona iha Suku no husu karik iha futuru bele realiza fali aldeia atu nune’e komuniadade sira bele asesu mós ba informasaun sira ne’e.
“Agradese tebes ba APC bele to’o ona iha Suku no husu karik iha futuru bele realiza fali aldeia atu nune’e komuniadade sira bele asesu mós ba informasaun sira ne’e tamba dezastre barak liu mak akontese iha foho” dehan Xefe Suku Vatuvou Flaviano tinus Usna’at
Iha okaziaun ne’e partisipante Luis de Fátima Sanches atuál Xefe Aldeia Bouraevei hato’o nia apresiasaun ba sensibilizasaun ne’e tamba bele hatene lei kona-bá Protesaun sivíl nian.
“ Ha’u apresia teb-tebes ba formasaun loron rua ne’e, tamba ha’u bele aprende buat foun I aprende lei kona-bá protesaun sivíl nian no dalaruma sasan sira ne’ebé apoia ami lahatene maibé liu huis formasaun ne’e ami bele hatene tuir “ dehan partisipante Luis de Fátima Sanches atuál Xefe Aldeia Bouraevei .
Durante atividade partisipante sira hatudu sira nia vontade no matenek bainhira halo diskusaun to’o enseramentu nunu’e rekomenda ba APC liu husi Gabinete Relasaun Externa no Komunikasaun atu sensibiliza Referénsia Enkuadramentus Legais APC ne’e to’o nível komunidade iha aldeia.
Mateus da Costa média APC hato’o reportajen .