RAEOA, 03 Abril 2025 – Xefe Gabinete Rejionál Jestaun Risku Dezastre Remigio G.de Jesus da Silva hamutuk ho ekipa hala’o asesmentu ba vítima uma kain rua (2) ne’ebé hetan dezastre husi udan bo’ot no halo uma kain ida hetan amesadu husi erosaun iha Aldeia Fatubijae, Suku Bobokase no uma kain ida iha Aldeia Bonemese, Suku Naimeco, Sub-Rejiaun Pante-Makassar, RAEOA.
Iha oras ne’ebé hanesan Xefe Gabinete Rejionál Rekoperasaun Marito de Araujo hamutuk ho ekipa kontinua hala’o monitorizasaun ba benefisiariu 11 ne’ebé simu ona material rekoperasaun husi APC iha tinan 2024, nune’e bele hatene nomós to’o iha ne’ebé ona prosesu konstrusaun sira iha Aldeia Buqui, Suku Usitasae, Sub-Rejiaun Oe-Silo, RAEOA.
Pedro Martins Média APC RAEOA.