Lautém, 5 Juñu 2024 – Autoridade Protesaun Sivíl (APC) Munisipiu Lautém, ohin liuhusi Xefe Departamentu Diresaun Nasional Jestaun Risku Dezastre (DNGRD) Mateus da Costa servisu hamutuk ho parseirus ONG’s nomós servisu Autoridade Munisipal Lautem hala’o programa “Joint Monitoring” iha Postu Administrativu Iliomar.
Programa monitorizasaun ne’e refere ba obra ne’ebé ONG’s hanesan Child Fund no Fraterna hala’o iha Suku tarjetu rua(2) mak hanesan; Suku Fuat no Suku Tirilolo, hodi halo prezervasaun ba bee-matan inklui halo tanki ba bee-mo’os hodi fornese bee ba komunidade iha suku rua (2) refere, ne’ebé durante ne’e susar asesu ba bee-mo’os liu-liu iha tempu bailoron naruk.
Reprezentante Autoridade Munisipál Lautém assuntu apoiu Sosiedade Sivil Modesto da Costa, iha nia intervensaun hateten katak “agradese no louva obra ne’ebé ONG’s sira oferese no husu ba Autoridade Lokál no Komunidade sira tenki hamutuk asegura obra ne’e ho di’ak”.
Media APC Lautém.