Baucau, 5 Juñu 2024- Autoridade Protesaun Sivíl (APC) Munisípiu Baucau lidera husi Komandante APC Munisípiu Baucau Inspetór Polisia Aleixo Ximenes, akompaña Xefe Departementu Jestaun Risku Dezastre (DNGRD) Basílio Amaral ho funsionáriu APC halo asesmentu ba vítima Nazario da Costa de Oliveira, idade 28 anos ne’ebé lakon iha Postu Administrativu Baucau Villa, Suku Tirilolo, Aldeia Parlamentu iha 4 Juñu 2024 Oras 16:00 otl.
Vítima nia kaben Teresa Correia haktuir kronolojia akontesementu iha tuku 8:00 Otl simu telefone atu ba tula tomate maibé nia kaben lakohi netik ho rajaun labarik moras, nune’e víima mós halo tuir no laba duni tula tomate. Liutiha oras balun vítima tuir nia kaben iha to’os laran maibé seidauk to’o iha to’os vítima lakon, sai husi uma lalori telefone no sasan ruma no hatais faru mean no kalsa badak.
Komesa vítima lakon to’o agora família kontinua buka tuir .
Aliya Guterres Media APC Baucau