Nova Zelandia, 08 Novembru 2023 funsionáriu Autoridade Proteção Civil(APC) nain 2, mak hanesan, Severino da Costa Oliveira no Agostinho Cosme Belo termina graduasaun kursu ingles NZELTO (New Zealand English Language Training for Officials) iha Victoria University of Wellington, Nova Zelandia, Durante fulan 3 hahu husi fulan Agosto to’ Novembru 2023.
Kursu lian inglés ne’e liga liu ba tema oinsa atu *Haforsa Reziliensia* (Strengthening Resilience).
Objetivu prinsipál husi programa ne’e mak atu apoia dezenvolvimentu ekonómiku sustentavel iha nasaun sira ne’ebé partisipa liuhusi utilizasaun lian Ingles ba komunikasaun internasionál no atu fasilita hodi kontribui ba kooperasaun no relasaun ekonómika no ema-ba-povu entre Nova Zelandia no Cambodia, Lao PDR, Indonesia, Timor-Leste no Vietnam nomós Mongólia.
Programa ne’e, objetivu 3 mak hanesan, primeiru hadi’a Lian Inglés jeralmente no relasiona ho servisu. Segundu dezenvolve abilidade no koñesimentu relevante ba tema kursu.
Terseiro harii ligasaun ho Nova Zelandia no partisipante sira seluk. Kursu ne’e Partisipante husi Timor – Leste hamutuk Ema nain 5 mak hanesan Autoridade Proteção Civil – MI Ema nain 2 Ministério do Turismo e Ambiente nain 2 no MNEC Ema nain 1.
Graduasaun ne’e marka prezensa mós First Secretary Ambassador Timor-Leste iha Nova Zealandia, Mrs. Ligia Pinto.
Graduadu nain rua ne’e sei to’o fali iha Timor-Leste iha Domingu ne’e no loron Segunda- Feira 13 Novembru 2023 Sei tama fali servisu hodi hala’o nia kna’ar hanesan baibain.
Fontes informasaun APC