Dili, 05 abril 2023-Ekipa UN World Food Programme (WFP) hasoru malu ho Prezidente Autoridade Protesaun Sivíl (APC), Superientendente Polísia, Ismael da Costa Babo hodi ko’alia kona-ba kordenasaun servisu no apoiu WFP nian ba APC.
Prezidente APC, Superientendente Polísia, Ismael da Costa Babo hateten sorumutu WFP ho APC atu halo kordenasaun servisu liga ho ajenda importante tolu, inklui fomigasaun ba foos ne’ebé governu India apoiu ba TL liuhusi APC iha Armajen Tibar.
“WFP mai ko’alia ajenda importante tolu, asuntu ida mak fomigasaun ba foos hodi garante nafatin kualidade foos labele at no estragus, segundu atu halo asesmentu ida ba APC munisípiu hotu hodi haree kondisaun lojistika para tau rezerva ba asidente grave ho kadastrófu, terseiru atu haree kapasidade armajen foos no hahan,”esplika Prezidente APC.
Partisipa iha enkontru Komandante Operasaun Nasionál APC, Superientendente Asistente, Nuno Romualdo Gomes, Diretór GPEA, Gustavo José Lopes, Diretór DNGR, Virgilio dos Santos Soares, Adjunto Operasaun Aero, Adjunto Operasaun Maritima, Adjunto Operasaun Terestre.
#CM#