Liquiça, 03 Outobru 2025, Komandante Operasional Autoridade Protesaun Sivíl (APC) Munisípiu Liquiça, Tobias da Silva dos Santos, hamutuk ho funsionáriu APC, enserra ho susesu formasaun kona-bá Jestaun Armazenamentu, ne’ebé realiza durante loron tolu iha Munisípiu Liquicá.
Komandante APC Liquiça, Tobias da Silva dos Santos hato’o agradesimentu ba ekipa Diresaun Nasional Emerjénsia no Resposta (DNER) nia kompromisu no kontribuisaun ba atividade ne’e no subliña katak formasaun ne’e esensial hodi hasae partisipante sira nia koñesimentu.
Formasaun ne’e fó oportunidade ba funsionáriu APC Munisípiu Liquiça atu hatene no prátika oinsá halo jestaun armazén, inklui priense formuláriu inspeksaun no uza formato estandár ba relatoriu.
Treinamentu ne’e nudar parte ida husi esforsu ida hodi kontinua aumenta kapasidade no prontidaun funsionáriu sira iha preparasaun no resposta ba situasaun emerjénsia.
Iha serimónia encerramentu, Xefe Departamentu Jestaun no Ermejénsia entrega livru Manual Armazén ba Komandante Operasional Munisípiu Likisá, hodi fasilita no hametin jestaun armazén iha nivel munisípiu.
Jihan da Costa Vidigal Média APC Liquça