Dili, 28 Jullu 2025 – Autoridade Protesaun Sivil liu husi Diretor Gabinete Relasaun Esterna no Komunikasaun (GREK), Cesario da Silva Marques atualiza dadus dezastre durante períodu semana ida hahu husi loron 21 ate 28 Jullu 2025 ba Jornalista sira iha edifisiu APC Kaikoli.
Diretor GREK esplika durante períodu semana ida rejiaun Timor-Leste normal akontese tipu dezastre ne’ebé CNOPS – APC rejista hanesan uma estragus (13), anin sobu (5), ahi han ( 8 ), priense kritéria (11), apoiu emerjénsia (2), númeru ema afetadu (80) no ema evakua ( 8 ).
Munisípiu 5 ne’ebé afeta ba dezastre durante semana ida hanesan, Baucau (anin sobu uma 2), Bobonaro ( ahi han uma ida), Dili (anin sobu uma ida), Lautem ( anin sobu uma ida), Liquiça (ahi han uma ida) no RAEOA (anin sobu uma ida n ahi han uma ida).
“Komando APC Munisípiu ho parseiru relevantes fornese ona apoiu emerjénsia ba familia afeta dezastre hanesan aihan no laos aihan. Komando Operasional APC munisípiu sira sei kontinua halo hela levantamentu detallu ba sasan ne’ebé estragus no lakon ” Dehan Diretor Cesario da Silva Marques.
#MÉDIA APC