Manufahi, 06 Maio 2025 – Autoridade Protesaun Sivil APC liu husi Diretor Executivo Guy Savio Vicente Cairo hamutuk ho Komandante APC Manufahi Manuel da Silva hamutuk ho ekipa halo distribuisaun material konstrusaun ba familia afetada hamutuk uma kain 30 husi Postu Administrativu Same, Alas no Fatuberlihu, Munisípiu Manufahi.
Iha intervensaun Diretur executivo enkoraza benefisiáriu sira atu utiliza ho didiak sasan no orsamentu Mao de obra ne’ebé fornese husi estadu hodi bele konstrui fila fali uma ne’ebé estragus ona no mós apela ba benefisiáriu sira labele faan tutan fali materiais rekoperasaun ne’ebé simu husi estadu.
Entertantu iha lansamentu nee hetan partisipa husi reprezentante PAM Manufahi, reprezentante Komando PNTL Manufahi, parseiro dezenvolvimentu sira inklui funsionáriu APC Manufahi no Nasional.
Husi uma kain 30 ne’e kategoria estragus a’at total hamutuk 9, a’at kmaan hamutuk 19 no a’at naton hamutuk 2.
Manuel Branco, Méda APC Manufahi