𝐒𝐄𝐏𝐂 𝐇𝐀𝐋𝐎 𝐕𝐈𝐙𝐈𝐓𝐀 𝐓𝐑𝐀𝐁𝐀𝐋𝐋𝐔 𝐁𝐀 𝐆𝐀𝐁𝐈𝐍𝐄𝐓𝐄 𝐓𝐔𝐓𝐄𝐋𝐀 𝐀𝐏𝐂

Dili, 01 fevereiru 2024-Sua Exelénsia Secretário Estado Proteção Civil (SEPC), Domingos Mariano Reis akompaña hosi Komandante Operasaun Nasionál APC, Superintendente Asistente Polísia, Nuno Romualdo Gomes halo vizita traballu ba diresaun tutela iha APC hanesan Gabinete Inspesaun Auditória Interna (GIAI), Gabinete Relesaun Externa no Komunikasaun (GREK), inklui Komandu APC munisípiu Dili iha edifísiu APC, Kaikoli.

Ho vizita traballu Sekretáriu Estadu nian, atu rona no haree direitamente progresu servisu, espasu servisu, rekursu no dezáfiu, ne’ebé parte Gabinete ho Komandu APC munisípiu Dili hasoru durante implementasaun servisu iha terenu.

Liga ba dixiplina servisu, Membru Ezekutivu ne’e husu ba funsionáriu sira atu tama sai servisu tuir regras no pontualidade hahu hosi dadersan 8:00 no sai lokraik 17:30 oras Timor-Leste.

Iha okaziaun ne’e, SEPC rona mós atualizasaun servisu Diretór GREK, Cesario da Silva Marques no Diretór Sesante DNGRD, Agustinho Cosme Belo kona-ba establesimentu koperasaun servisu, ho parseiru dezenvolvimentu sira hanesan ajénsia ONU, ONG Internasionál ho Nasionál, inklui nasaun sira seluk iha ASEAN, EUROPA, Pacifik Comunnity, ne’ebé ba fó apoiu ba APC

Textu/Foto: Nato & Cipry (GREC-APC)